Þessa grein skrifaði ég í framhaldi af MA-ritgerð minni um stuðning Íslands við sjálfstæðisbaráttu Eystrasaltsríkjanna. Þá ritgerð má finna á Landsbókasafni Íslands - Háskólabókasafni og vonandi tekst manni einhvern tímann að gefa hana út. Örlítillar þjóðernishyggju gætir í greininni, enda er hún skrifað til að hnekkja þeim misskilningi Uffe Ellemanns að Danir hafi komið fyrstir í mark í "Eystrasaltshlaupinu" mikla árið 1991. Í greininni segir m.a. að Lettar hafi fengið slíkt dálæti á danska utanríkisráðherranum að margir foreldrar hafi skírt dætur sínar nýfæddar lettneska kvenmannsnafninu Uffe. Þetta er saga sem ég heyrði eða las einhvers staðar og slysaðist til að leggja trúnað á en er alls ekki viss um að sé sönn.